Aýyl sharýashylyǵy salasynda 77 myń turaqty jumys orny qurylady
«Birqatar oblysta iske asatyn jer sýarý keshenderin jańartý jumystary sýarmaly jer kólemin ulǵaıtyp, halyqtyń eginshilik, mal sharýashylyǵymen aınalysý múmkindikterin keńeıtedi. Esep boıynsha bul jobalar aýyl sharýashylyǵynda bolashaqta halyqtyń tabys kózin arttyratyn 77 myń turaqty jumys ornyn qurýǵa septigin tıgizedi», - dedi mınıstr.
Onyń atap ótýinshe, gazben, sýmen, elektr qýatymen qamtý jańa jobalary turǵyn úı qurylysyna serpin berýge, aýyldyqtarǵa kommýnaldyq qyzmetterdi alýyna múmkindik jasaıdy.
«Óńirlerde jol kartalaryn iske asyrý bastalyp ketti. Barlyǵy 6 506 jobanyń ishinde 2 410 jobasy respýblıkalyq bıýdjet esebinen iske asyrylady. Tıisti qarajat bólingen. Sol jobalardyń basym bóligi boıynsha 1 mamyrda memlekettik satyp alý konkýrstary aıaqtalyp, merdigerler anyqtaldy. Bul baǵytta Jambyl, Shyǵys Qazaqstan, Pavlodar, Almaty, Túrkistan oblystary alda kele jatyr. Almaty, Shymkent qalalary men Qyzylorda olblystarynyń qarqyny tómen. 1 mamyrdaǵy jaǵdaı boıynsha birqatar óńirde 1265 jobamen jumys bastalyp ketti. 17 myńnan astam jumys orny qurylyp, 10 300 jumysshy qabyldandy», - dedi Birjan Nurymbetov.