Aýyl sharýashylyǵy salasyna janar-jaǵar maıdy jetkizý kólemi talapqa saı oryndalýda jáne oryndala da bermek - S.Myńbaev
ASTANA. 20 qyrkúıek. QazAqparat /Aıdar Ospanalıev/ - Aýyl sharýashylyǵy salasyna janar-jaǵar maıdy jetkizý kólemi talapqa saı oryndalýda jáne oryndala da bermek.
Bul týraly búgin«Nur Otan» Halyqtyq demokratııalyq partııasynyń Parlament Májilisindegi fraktsııasynyń keńeıtilgen otyrysynda Parlament depýtattarynyń saýaldaryna jaýap bergen Munaı jáne gaz mınıstri Saýat Myńbaev málim etti.
Onyń sózine qaraǵanda, AI-92, AI-80 markili benzınderi men jaǵarmaıǵa degen baǵa kezinde Reseımen salystyrǵanda 40 paıyzǵa sharyqtaǵan. Al qazir bul kórsetkish 38-36 paıyzdy qurap otyr.
«Biz zań týraly áńgime qozǵaǵanda, janarmaıǵa degen baǵanyń aıyrmashylyǵy eń kóbi 10-15 paıyz bolady degenbiz. Qalyptasqan máseleni sheshý úshin biz búkil ımporttalatyn jáne ishki naryqtan alynatyn janar maıdyń barlyǵyn barynsha munaı óńdeýshi zaýyttarǵa jóneltip jatyrmyz. Al jekelegen munaı ónimderin túgel janar maıǵa aınaldyrýǵa bolmaıdy. Degenmen biz múmkindiginshe, osy jekelegen ónimderdi AI-92 benzınine aınaldyrýǵa tyrysyp jatyrmyz», - dedi mınıstr.
Onyń sózine qaraǵanda, Aýyl sharýashylyǵy salasy janarmaıdy jeńildetilgen baǵamen alyp jatyr. «Jaǵar maıdyń baǵasy bizdiń elde Reseıdegi baǵadan 36 paıyzǵa tómen. Al aýyl sharýashylyǵyna jiberiletin janar maı quny osy kórsetkishten taǵy 10-15 paıyzǵa tómen. «Aýyl sharýashylyǵy salasyna janar-jaǵar maıdy jetkizý kólemi talapqa saı oryndalýda jáne oryndala da bermek. ıAǵnı biz aýyl sharýashylyǵyn 10 paıyzǵa munaı ónimderimen qamtamasyz etemiz», - dedi S.Myńbaev.
