Aýyl sharýashylyǵy salasyna jańa tehnıkalar qajet – AShM

ASTANA. QazAqparat - Qazaqstandaǵy aýyl sharýashylyǵy tehnıkalarynyń 80 paıyzy 17 jyl buryn qoldanysqa engizlgen. Sektordaǵy ózekti máseleni QR Aýyl sharýashylyǵy mınıstri Ómirzaq Shókeev mınıstrliktiń alqa májilisinde kóterdi, dep habarlaıdy «QazAqparat» HAA tilshisi.

«Tehnıkamyz joq bolsa aýyl sharýashylyǵy salasyndaǵy ónimdilikti qalaı arttyramyz. Tehnıkanyń jańartylý deńgeıi 3 jyl buryn ǵana 6 paıyz bolatyn. Qazir 2 paıyz ǵana bolyp qaldy. Buryn 5 myń tehnıka ákelinse, qazir bul kórsetkish 2 myń ǵana bolyp tur. Lızıngtiń paıyzdyq kórsetkishi - 18 ǵana. Buǵan kim shydaıdy?» - deıdi mınıstr.

Ómirzaq Shókeevtiń aıtýynsha, aýyl sharýashylyǵy salasyna eń bastysy tehnıka bolsa boldy.

«Lızıng pen tehnıkalardy alyp kelý boıynsha ınvest-sýbsıdııalar jaǵyna baǵytty burǵaly jatyrmyz. Bizdiń salaǵa báribir - eń bastysy tıimdi tehnıka bolsa boldy. Belarýstan kelsin, Djon Dır kompanııasy bolsyn - bizge qandaı aıyrmashylyq bar? Bizge úzdik tehnıkalardy satyp alý kerek. Onsyz eshqandaı ónimdilik artpaıdy», - deıdi ol.

Mınıstrdiń sózinshe, bir ǵana Djon Dır tehnıkasy Qazaqstandaǵy eski 8 tehnıkaǵa tatıdy.

«Tehnıkalardyń 80 paıyzy 17 jyldan beri paıdalanylyp keeldi. Mundaı tehnıkalarmen eńbek ónimdiligin qalaı arttyrýǵa bolady», - deıdi AShM basshysy.