Aýyl sharýashylyǵy ónimin shyǵarý 3 paıyzǵa ulǵaıdy

NUR-SULTAN. QazAqparat – Elimizde aýyl sharýashylyǵy ónimin shyǵarý 3 paıyzǵa ulǵaıdy. Bul týraly búgin Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«Aýyl sharýashylyǵy turaqty ósý qarqynyn kórsetýde. Ónim shyǵarý 3 paıyzǵa ulǵaıdy. 13 óńirde oń serpin baıqalyp otyr. Aqmola oblysy eń joǵarǵy ósýdi kórsetti. Bul rette, tómendeý Atyraý jáne Soltústik Qazaqstan oblystarynda tirkeldi», - dedi Áset Erǵalıev.

Onyń atap ótýinshe, aýyl sharýashylyǵyndaǵy ósimniń turaqty qarqyny memlekettik qoldaý sharalarymen qamtamasyz etiledi.

«Olar aýyl sharýashylyǵynyń óńdeý salasyn ınvestıtsııalaýdy yntalandyrýǵa, aýyl sharýashylyǵy tehnıkasynyń lızıngine, ekonomıkanyń ózindik jetkiliktiligin arttyrý boıynsha ınvestıtsııalyq jobalardy iske asyrýǵa baǵyttalǵan», - dedi mınıstr.