Aýyl sharýashylyǵy ónimin óndirýshilerge nesıe bólý sharttary burynǵysynsha qalyp otyr - A.Mamytbekov
ASTANA. Sáýirdiń 27-i. QazAqparat /Qanat Mámetqazyuly/ - «Aýyl sharýashylyǵy ónimin óndirýshilerge nesıe bólý sharttary burynǵysynsha qalyp otyr», dep málimdedi búgin «QazAgro» ulttyq basqarýshy holdıngi» aktsıonerlik qoǵamynyń basqarma tóraǵasy Asyljan Mamytbekov Senat depýtattarymen kezdesý barysynda,
dep habarlaıdy QazAqparat.
Onyń aıtýynsha, holdıng bıylǵy jyly da aýyl sharýashylyǵy ónimderin óndirýshilerdiń qysqa merzimge arnalǵan jobalaryn qarjylandyrýdy jalǵastyrýda. Bul maqsatqa baǵdarlama boıynsha 80 mıllıard teńge bólingen. «Sonymen qatar bizde bıyl ótken jylǵy sharttar negizinde taǵy da nesıelendirý baǵdarlamalary ashyldy», dedi basqarma tóraǵasy.
Onyń aıtýynsha, nesıeleý baǵdarlamalarynyń operatorlary «Agrarlyq nesıe korporatsııasy» men «Saýda-sattyq korporatsııasy» bolyp tabylady. Al nesıelik stavkalardyń deńgeıi bank pen «QazAgrokepildik» uıymy kepildik bergen jaǵdaıda jyldyq ósimi 8 paıyzben beriledi. Al bank qyzmetiniń quny 4 paıyzdy quraıdy. «Osylaısha tıimdi syıaqy stavkasy 12 paıyzdy quraıtyn bolady.
A.Mamytbekovtyń sózine qaraǵanda,aýyl sharýashylyǵy taýaryn óndirýshilerge arnalǵan nesıeni aýyl sharýashylyǵy ónimin satyp alatyn agroóndiris kesheniniń ókilderi de satyp ala alady. «Osy júıe arqyly biz bankten kepildik ala almaıtyn usaq taýar óndirýshilerdiń iri kompanııalar arqyly qajetti qarjylandyrýǵa qol jetkizýlerine múmkindik týdyrý maqsatynda jasap otyrmyz», dedi holdıng basshysy.
