Aýyl sharýashylyǵy ónimin óndirýshilerge 423 myń tonna dızel beriledi

NUR-SULTAN. QazAqparat – Qazaqstan bıyl 5,4 mln tonnadan astam dızel tutynady. Onyń 423,5 myń tonnasy aýyl sharýashylyǵy taýaryn óndirýshilerge baǵyttalady. QR Energetıka mınıstri Bolat Aqsholaqov ortalyq kommýnıkatsııalar qyzmetinde ótip jatqan brıfıngide osyndaı derek aıtty, dep habarlaıdy QazAqparat tilshisi.

«Aýyl sharýashylyǵy taýaryn óndirýshilerge shildede - 106,6 myń tonna, tamyzda - 145,6 myń tonna tıep-jóneltildi. Aýyl sharýashylyǵy taýaryn óndirýshilerge tıep-jóneltý erekshe negizde júzege asyrylady jáne turaqty baqylaýda bolady. Aýyl sharýashylyǵy taýaryn óndirýshilerge barlyǵy 423,5 myń tonna dızel otynyn tıep-jóneltý josparlanyp otyr», - dedi mınıstr.

Sondaı-aq, ol jyl saıyn dızel tutyný kólemi qarqyndy údep kele jatqanyn atap ótti.

«2022 jylǵa arnalǵan dızel otynyn tutyný boljamy 5,472 mln tonnany quraıdy. Bul 2020 jylǵa qaraǵanda 500 myń tonna jáne 2021 jylǵa qaraǵanda 90 myń tonna artyq», - dedi Bolat Aqsholaqov.

Foto: ortcom.kz