Aýyl sharýashylyǵy ónimin óndirýmen baılanysty kólik pen múlikter salyqtan bosatylýy múmkin

ASTANA. QazAqparat - Aýyl sharýashylyǵy ónimin óndirýmen baılanysty kólik pen múlikter salyqtan bosatylýy múmkin. Búgin Parlament Májilisiniń jalpy otyrysynda Ulttyq ekonomıka mınıstri Erbolat Dosaev osyndaı normany usyndy. Jıyn barysynda «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn.

Mınıstrdiń aıtýynsha, zań jobasymen jer ýchaskelerin utymdy paıdalaný maqsatynda sharýa qojalyqtaryn qorshaǵan ortaǵa emıssııadan bosata otyryp, biryńǵaı jer salyǵynyń mólsherlemesin 1,5 esege, aýyl sharýashylyǵynyń taýar óndirýshi zańdy tulǵalar úshin jer salyǵynyń stavkasyn 5 esege arttyrý kózdeledi. «Bul rette salyq salýdyń jalpyǵa birdeı belgilengen rejımin qoldanatyn sharýa qojalyqtary men aýyl sharýashylyǵynyń taýarlaryn óndirýshi zańdy tulǵalar úshin eńbekaqy tóleý qory mólsherinde qosymsha shyǵystarǵa salyq salynatyn tabysty azaıtý quqyǵy beriledi. Sosyn áleýmettik salyq mólsherlemesin 6,5 paıyzǵa deıin tómendetý usynylady. Budan basqa, aýyl sharýashylyǵy óndirýmen baılanysty qyzmeti boıynsha kólik pen múlikke salynatyn salyqtan bosatý usynylady», - dedi mınıstr Erbolat Dosaev.