Aýyl sharýashylyǵy ónimin óndirý salasyndaǵy úzdik 3 óńir anyqtaldy

NUR-SULTAN. QazAqparat – Qostanaı, Aqmola men Pavlodar oblystary aýyl sharýashylyǵy ónimin óndirý salasynda úzdik kórsetkishterge qol jetkizdi. Bul týraly Úkimet otyrysynda Aýyl sharýashylyǵy mınıstri Saparhan Omarov málim etti, dep habarlaıdy QazAqparat tilshisi.

«Osy jyldyń 10 aıynyń qorytyndysy boıynsha jalpy aýyl sharýashylyǵy óniminiń kólemi 5,2 paıyzǵa ulǵaıyp, 5,4 trln teńgeni qurady. Bul ósim negizinen ósimdik sharýashylyǵyndaǵy óndiris kóleminiń 7,1 paıyzǵa ulǵaıýy esebinen qamtamasyz etildi. Óńirlerge keler bolsaq, 3 oblysta respýblıkalyq deńgeıden joǵary qarqyn baıqalady: Qostanaı oblysy – 121,3 paıyz, Aqmola oblysy – 114,1 paıyz jáne Pavlodar oblysy – 105,5 paıyz», - dedi Saparhan Omarov Úkimet otyrysynda.

Onyń aıtýynsha mal sharýashylyǵy óniminiń jalpy kólemi kórsetilgen kezeńde 2,7%-ǵa ulǵaıyp, 2,1 trln teńgeni quraǵan. Bul rette tirideı salmaqtaǵy et óndirý kólemi 3,7%-ǵa, sút 3,1%-ǵa ulǵaıǵan. 10 aıdyń ishinde tamaq ónimderin óndirý kólemi 3,4%-ǵa ósip, 1,6 trln teńgeni quraǵan.