Aýyl sharýashylyǵy ónimderiniń jobalaryn iske asyrýǵa 300,7 mlrd. teńge memlekettik kepildikter kózdelgen

ASTANA. QazAqparat - Aýyl sharýashylyǵy ónimderi baǵytynda ınvestıtsııalyq jobalaryn iske asyrý maqsatynda 300,7 mlrd. teńge memlekettik kepildikter berý kózdelgen. Bul týraly búgin Úkimet otyrysynda QR Ulttyq ekonomıka mınıstri Erbolat Dosaev málim etti.

AÓK jobalaryn iske asyrýdy jedeldetý máselesine toqtalǵan mınıstr: «Sýlandyrý jáne gıdromelıoratsııa arqyly sýarmaly jerlerdi qalpyna keltirý jobalaryn iske asyrý úshin 2016-2018 jyldary 153 mlrd. teńge somasyna halyqaralyq qarjy uıymdarynyń qaryzdary memlekettik kepildiktermen tartylatyn bolady», - dedi. E.Dosaevtyń sózine qaraǵanda, «QazAgro» aýyl sharýashylyǵy ónimderin, eń aldymen, et pen sút óndirý jáne óndeý jónindegi basym ınvestıtsııalyq jobalaryn iske asyrý maqsatynda 2016-2018 jyldary 300,7 mlrd. teńge somasyna memlekettik kepildikter berý kózdelgen.