Aýyl sharýashylyǵy ónimderiniń jalpy óndirisi 2011 jyly 2286,0 mlrd. teńgeni qurady
ASTANA. 29 maýsym. QazAqparat - Aýyl sharýashylyǵy ónimderiniń jalpy óndirisi 2011 jyly 2286,0 mlrd. teńgeni qurady. Bul týraly QR Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, aýyl sharýashylyǵy óniminiń (qyzmetiniń) jalpy kólemi byltyr 2010 jylmen salystyrǵanda respýblıka boıynsha 26,8 paıyzǵa ósti. Bul rette ósimdik sharýashylyǵy 1337,2 mlrd.teńgege, mal sharýashylyǵy - 942,4 mlrd.teńgege óndirilgen bolatyn.
Al respýblıkanyń aýyl sharýashylyǵy ónimderiniń (qyzmetteriniń) jalpy shyǵarylymynyń kólemine eń úlken úles qosqan Qostanaı (17,3 paıyz), Soltústik Qazaqstan (15,5 paıyz), Almaty (12,7 paıyz), Aqmola (10,8 paıyz) jáne Ońtústik Qazaqstan (9,1 paıyz) oblystary bolyp otyr.
