Aýyl sharýashylyǵy ónimderiniń eksporty 2015 jyly 1,1 mlrd dollardy qurady - QR AShM

ASTANA. QazAqparat - Aýyl sharýashylyǵy ónimderiniń eksporty sońǵy bes jyldyń ishinde 1,3 esege ósti jáne 2015 jyldyń qorytyndysy boıynsha 1,1 mlrd dollarǵa jetti, dep habarlady Úkimet basshysynyń saıty QR Aýyl sharýashylyǵy mınıstrligine silteme jasap.

«Sizder bilesizder, bizdiń elimiz bıdaıdy eksporttaıdy. Bizdiń paıymdaýymyzsh,a azyq-túlik qaýipsizdigi jónindegi Islam uıymyn qurý túrli baǵdarlamalar men jobalar aıasynda jyl saıyn bıdaıdy eksporttaýdy 1 mln tonnaǵa ulǵaıtýǵa múmkindik beredi», - dep málimdedi OKQ-de ótken baspasóz konferentsııasynda QR aýyl sharýashylyǵy vıtse-mınıstri Ermek Kósherbaev.

Vedomstvonyń aqparaty boıynsha, qazirgi ýaqytta elimizdegi aýyl sharýashylyǵy jerleriniń aýdany 200-den astam mln gektardy quraıdy.

«Aýyl sharýashylyǵynyń jalpy óniminiń kólemi 2015 jyly 4,4%-ǵa ósti jáne 2,7 trln teńgeni qurady. Aýyl sharýashylyǵy ónimderiniń eksporty sońǵy bes jyl ishinde 1,3 esege ósti jáne 2015 jyldyń qorytyndysy boıynsha ol 1,1 mlrd AQSh dollaryna jetti», - dep málimdedi AShM.