Aýyl sharýashylyǵy ónimderiniń baǵalary ósti
ASTANA. 9 sáýir. QazAqparat - Aǵymdaǵy jylǵy naýryzda 2011 jylǵy jeltoqsanmen salystyrǵanda aýyl sharýashylyǵy qurylymdary ótkizgen ósimdik sharýashylyǵy ónimi 0,4 paıyzǵa arzandady.
Bul týraly elimizdiń Statıstıka agenttigi habarlaıdy.
Atalǵan merzim aralyǵynda mal sharýashylyǵy ónimi - 3 paıyzǵa qymbattaǵan. Al bıylǵy jyldyń qańtar men naýryzynda baǵa júgerige - 1 paıyz, kúrishke - 0,8 paıyz, qaraqumyqqa - 0,4 paıyz, bıdaıǵa - 0,2 paıyzǵa ósken. Al tary 2,8 paıyzǵa, arpa 1,7 paıyzǵa, suly 1,2 paıyzǵa tómendegen.
Pııaz 1,3 paıyzǵa qymbattap, qyryqqabat 11,1 paıyzǵa, kartop 5,7 paıyzǵa, ashanalyq qyzylsha 3,2 paıyzǵa, sábiz 0,4 paıyzǵa, kúnbaǵys tuqymy 6 paıyzǵa arzandady. Shoshqa etiniń baǵasy 5,3 paıyzǵa, qoı eti 4,6 paıyzǵa, jylqy etine - 3,5 paıyzǵa, iri qara mal eti 3 paıyzǵa, qus eti 1,9 paıyzǵa ósti. Shıki sút baǵasy 3,6 paıyzǵa artsa, bal - 3 paıyzǵa, jumyrtqa - 1,5 paıyzǵa, jún - 1,1 paıyzǵa qymbattaǵan.
