Aýyl sharýashylyǵy ónimderin shyǵarý ósimi oń úrdiske ıe bolyp otyr - A.Mamytbekov
ASTANA. 13 tamyz. QazAqparat - Aýyl sharýashylyǵy ónimderin shyǵarý ósimi oń úrdiske ıe bolyp otyr.
Bul týraly búgin Úkimet otyrysynda Aýyl sharýashylyyǵy mınıstri Asyljan Mamytbekov málim etti.
«Sońǵy 12 jyldyń ishinde jalpy ónimniń kólemi 4 esege artyp, 2012 jyly 1,9 trıllıon teńgeni qurady. Atalǵan merzimde ósimdik sharýashylyǵy ónimderiniń óndirisi 3 esege ósti, al mal sharýashylyǵynyń ónimderi 5 esege artty», - dedi mınıstr.
Atap aıtqanda, byltyr mal sharýashylyǵynyń úlesi ósimdik sharýashylyǵynan joǵarylap, 50,6 paıyzdy quraǵan eken. A.Mamytbekovtyń sózine qaraǵanda, 2012 jyly aýyl sharýashylyǵy óniminiń eksporty 3 mlrd AQSh dollarynan asyp túsken. Bul kórsetkish 2011 jylǵa qaraǵanda, 66 paıyzǵa joǵary.
