Aýyl sharýashylyǵy ónimderin óńdeıtin óndirister qýaty 30% ǵana júktelgen - Memleket basshysy
ASTANA. QazAqparat - «Aýyl sharýashylyǵy ónimderin óńdeıtin óndirister qýaty 30% ǵana júktelgen. Bul máselede ákimdikter jaqsylap jumys isteýi kerek», - dedi N.Nazarbaev Aqordada ótip jatqan Úkimettiń keńeıtilgen otyrysynda, dep habarlady Aqordanyń baspasóz qyzmeti tvıtter arqyly.
Sondaı-aq, ol memleket sýbsıdııalar kólemin jyl saıyn arttyryp kele jatqanyn aıta kelip, jaýapty tulǵalardan osy salada qandaı nátıjege jetkenimizdi surady. «Memleket sýbsıdııalar kólemin jyl saıyn arttyryp keledi. Sońǵy 5 jylda 2 esege ulǵaıdy. Al nátıje qandaı?» - dep surady Memleket basshysy.
Sonymen qatar, Elbasy Úkimetke aýyl sharýashylyq ónimderin óndirýshilerdi sýbsıdııalaýdyń tetikterin ózgertý qajet ekendigin tapsyrdy.
