Aýyl sharýashylyǵy ónimderin kepildi satyp alý sharty bankterde «turaqty kepil» dep tanylady

NUR-SULTAN. QazAqparat - Aýyl sharýashylyǵy ónimderin kepildi satyp alý sharty bankterde «turaqty kepil» dep tanylady. Bul týraly búgin Úkimet otyrysynda elimizdiń ekonomıkasyn qalpyna keltirý jónindegi keshendi jospardy tanystyrǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

Mınıstrdiń aıtýynsha, agroónerkásiptik keshendi qoldaý sharalary aıasynda forvardtyq kelisimsharttardy engizý, QazAgro kredıtteri boıynsha merzimin uzartý jáne restýktýrızatsııalaý jolymen qarjylandyrý tetikterin keńeıtý josparlanýda.

«Munan basqa aýyl sharýashylyǵy ónimderin kepildi satyp alý sharty bankterde «turaqty kepil» dep tanylatyn bolady. Sýbsıdııalanatyn shıkizat sanatyn keńeıtý josparlanyp otyr. Pılottyq rejımde «egistikten sórege deıin» qarjylandyrý tetigi engiziledi. Bul - agrarlyq ónimdi turaqty satyp alý jáne ótkizý júıesi», - dedi Rýslan Dálenov.