Aýyl sharýashylyǵy ónimderin eksportqa shyǵarý sońǵy bes jylda 1,5 ese ósti
Atalǵan merzim ishinde ósimdik sharýashylyǵy 1,4 esege (1,3 trln. teńge) ósse, mal sharýashylyǵynyń ónimderi 1,7 ese (1,2 trln. teńge) ulǵaıǵan. Azyq-túlik ónimderin óndirý kólemi 1,6 ese ósip, 1 042,4 mlrd. teńgege jetken.
Mamandardyń pikirinshe, agrarlyq sektor eksportqa birshama bet buryp, básekege qabilettiligi arta túsken. Aýyl sharýashylyq ónimderin eksportqa shyǵarý sońǵy 5 jylda 1,5 ese ulǵaıyp, 2,6 mlrd. dollardy quraǵan.
Atalǵan sala ınvestıtsııalar úshin de jyl saıyn tartymdy bola túsýde. Aıta keteıik, sońǵy 5 jylda aýyl sharýashylyǵynyń negizgi kapıtalyna quıylǵan ınvestıtsııa 2 esege ulǵaıyp, 2014 jyly 166,4 mlrd. teńgeni qurady. Sonymen qatar, azyq-túlik óndirisiniń negizgi kapıtalyna quıylǵan ınvestıtsııa kólemi de 1,3 ese ósip, 40,8 mlrd. teńgege jetti.
