Aýyl sharýashylyǵy ónimderin «egistikten ústelge deıin» qadaǵalaý júıesi engiziledi
«Agoónerkásip kesheni salalaryn tsıfrlandyrý jumystaryn eki baǵytta júrgizip jatyrmyz. Birinshiden, sýbsıdııalaý, veterınarlyq qyzmet syndy baǵytty memleket júzege asyrýy tıis. Al ekinshi baǵytta agrotehnologııalardy tartý jumystary júrgizilýi qajet. Máselen, naqty jerdi paıdalaný, mal sharýashylyǵy salasyndaǵy smart-tehnologııalar engizý kerek. Mine, osynyń barlyǵyn ІT-bızneske túsindirmekpiz. Olar da óz múmkinshilikterin usyna alady. Jalpy búginde salany tsıfrlandyrý jumystaryn bastap ta kettik. Ár oblysta ilki joba retinde fermerlik sharýashylyqtardy belgilep qoıdyq», - dedi shara aıasynda BAQ ókilderine suhbat bergen QR Aýyl sharýashylyǵy birinshi vıtse-mıınstri Arman Evnıev.
Onyń aıtýynsha, naqty eginshilik elementterin engizý fermerlerge óndiristik tıimdilikti aıtarlyqtaı jaqsartýǵa jáne keshendi túrde aýyl sharýashylyǵy óndirisiniń shyǵynyn keminde 25 paıyzǵa azaıtýǵa múmkindik beredi. Mundaı elementterge egistikterdiń elektrondy kartalary, aýa raıynyń naqty derekteri, sensorlar men datchıkter jáne ǵaryshtan monıtorıng jasaý jatady.
«Smart-tehnologııalar engizý mal basyna monıtorıng júrgizýge, jylyjylaılardy derbes basqarýǵa, onlaın rejimde shyǵyndardy eseptep taldaý júrgizýge múmkindik beredi», - dedi ol.
Aıta keterligi, mınıstrlik málimetine qaraǵanda, 2019 jyly aýyl sharýashylyǵy ónimderin «egistikten ústelge deıin» qadaǵalaý júıesi engiziledi. Oǵan mal sharýashylyǵy, ósimdik jáne balyq ónimderin baqylaý kiredi.