Aýyl sharýashylyǵy ónimderi óndirýshiden tutynýshyǵa tikeleı ári tez jetýi tıis – Ánýar Nurtazın
NUR-SULTAN. QazAqparat – Qazaqstanda tolyqqandy azyq-túlik habyn qalyptastyrýdy jedeldetý kerek. Sondaı-aq, halyqqa qarjy ónimderi jáne salymdar úshin tartymdy jobalardy ázirlep, usyný kerek. Bul qarapaıym adamdardyń aqshasyn alaıaqtyq áreketter arqyly jymqyrýdyń aldyn alady. Atalǵan sarapshylyq oıdy ekonomıkalyq sholýshy Ánýar Nurtazın ortaǵa saldy, dep habarlaıdy QazAqparat tilshisi.
«Jahandyq ekonomıkalyq daǵdarys kezeńindegi ekonomıkanyń eń turaqty sektorlarynyń biri - aýyl sharýashylyǵy. Jer jáne ondaǵy resýrstar memlekettiń eń mańyzdy jáne neǵurlym qundy aktıvi. Jáne bir sebep eldiń jaǵdaıy halyqty azyq-túlik qaýipsizdigimen qamtýmen baılanysty. Osy oraıda kelesi jaıttarǵa mán bergen jón. Óńirlerdiń jer qoryn paıdalanylýyna revızııa júrgizýdi aıaqtap, jergilikti ózin-ózi basqarý men jerdi bólýdiń ashyq tetikterin ázirleý kerek. Usaq taýar óndiretin kásipkerlikten bastap, iri agrarlyq sharýashylyqtardyń teńdigi men mańyzdylyǵyn taný. Bul jerde óndirispen aınalysatyn sharýashylyqtyń deńgeıine qaraı memlekettik qoldaý sharasyn aıqyndaýǵa bolady», - dedi Ánýar Nurtazın.
Sondaı-aq, sholýshy Qazaqstanda tolyqqandy azyq-túlik habyn qalyptastyrýdy jedeldetý kerektigin aıtty.
«Óńirlerdiń logıstıkalyq áleýetin eskere otyryp azyq-túlik habyn qalyptastyrýdy tezdetý kerek. Bul tótenshe jaǵdaı kezinde belgili bir aımaqqa kómek kórsetý kezinde memlekettik qoldaý men tutastyqtyń faktory. ıAǵnı azyq-túlik óndirisiniń ornyqty júıesin qurý qajet. Bul degenimiz jylyjaı keshenderi, sýarmaly jerler jáne ónimdi mal sharýashylyǵy. Sonymen qatar áleýmettik mańyzy bar azyq-túlik ónimderine baǵany turaqtandyrýda dırektıvti ádistermen ǵana emes, saýda salasyndaǵy monopolızatsııa deńgeıin tómendetýdiń naryqtyq tetikterin engizý arqyly júzege asyrǵan jón. Aýyl sharýashylyǵy ónimderi óndirýshiden tutynýshyǵa tikeleı ári tez jetýi tıis», - deıdi ol.
Odan bólek, ekonomıst bıznestiń damýynda kederginiń bolmaýy mańyzdy ekenin eske saldy.
«Óńirlik deńgeıde qajetti jaǵdaılar jasap, bıznesti damytýǵa baǵyttalatyn memlekettik qarjyny tıimdi ıgerýge kedergi keltiretin tosqaýyldardy alyp tastaý qajet. Halyqqa qarjy ónimderi jáne salymdar úshin tartymdy jobalardy ázirlep, usyný kerek. Bul qarapaıym adamdardyń aqshasyn alaıaqtyq áreketter arqyly jymqyrýdyń aldyn alady. Jáne otandyq, ásirese usaq ınvestorlardyń jumysyna jan bitiredi. Investıtsııalyq alańdardyń tıimdi jáne álemde tanylǵan úlgileriniń transfertin júrgizý de mańyzdy. Búgingi tańda ınvestorlar salyqtyq jáne basqa da jeńildikterge ǵana emes, sonymen qatar bıýrokratııasyz jáne sybaılas jemqorlyqsyz óz jobasyn júzege asyrýǵa múmkindik beretin qolaıly ınvestıtsııalyq ortaǵa muqtaj», - deıdi Á. Nurtazın.
Onyń aıtýynsha, joǵaryda atalǵan sharalar Memleket basshysynyń tapsyrmasyna sáıkes ınflıatsııalyq qysymdy azaıtyp, onymen kúreste qatelikterdi qaıtalamaýǵa múmkindik beredi.
