Aýyl sharýashylyǵy mınıstrligine qarasty mekeme kólik quraldaryn durys paıdalanbaı otyr - Esep komıteti
ASTANA. 18 sáýir. QazAqparat - Esep komıteti Qazaqstan Respýblıkasy Aýyl sharýashylyǵy mınıstrliginiń «Respýblıkalyq veterınarııalyq zerthana» memlekettik kásipornynda kólik quraldaryn paıdalanýdyń tıisti dárejede uıymdastyrylmaǵanyn atap
ótedi. Baǵalaý boıynsha, Qazaqstan Respýblıkasy Aýyl sharýashylyǵy mınıstrliginiń, Agroónerkásiptik keshendegi memlekettik ınspektsııa komıtetiniń basshylyǵy kólik quraldaryn paıdalanýdyń belgilengen erejesiniń saqtalýyna tıisti dárejede nazar aýdarmaı otyr. Qyzmettik jáne arnaıy avtokólik quraldarynyń paıdalanylýyna tıisti baqylaý qamtamasyz etilmegen. Bul týraly Esep komıtetiniń baspasóz qyzmetinen habarlandy.
Atap aıtqanda, qyzmettik jáne arnaıy jeńil avtomobılderdiń tıesililik normatıvi bolmaǵandyqtan, bekitilgen qarjy-sharýashylyq qyzmetiniń josparynan tys avtokólik quraldaryn satyp alýǵa 40,0 mln.teńgeden astam shyǵyn jumsalǵan. Kásiporyn balansyndaǵy 17 avtokólik arnaıy qurylǵylarmen jaraqtalmaı otyr.
«Jol-kólik oqıǵalary saldarynan memleketke keltirilgen shyǵyn ýaqtyly qalpyna keltirilmegen. «Kyron» markaly «Ssang Yong» avtomobıliniń jóndeý quny 1 mln. teńgeden asyp otyr. Qazirgi ýaqytta ol avarııalyq jaǵdaıda tur. Qyzmettik jáne arnaıy avtokólikterdiń paıdalanylýyna tıisti baqylaý bolmaǵandyqtan, janar-jaǵarmaı materıaldaryn esepten shyǵarý máseleleri rettelmegendikten, jalpy somasy 2,6 mln. teńgeniń benzıni artyq jumsalǵan», - delingen Esep komıtetiniń qorytyndysynda.
