Aýyl sharýashylyǵy mınıstrligine ıgerilmegen jerlerdi tartyp alý quzyreti beriledi
ASTANA. QazAqparat – Aýyl sharýashylyǵy mınıstrligine birqatar jańa mindetter júktelmek, dep habarlaıdy QazAqparat tilshisi.
Ashyq NQA portalynda jarııalanǵan Úkimet qaýlysynyń jobasynda jazylǵandaı, endi vedomstvoǵa myna fýnktsııalar beriledi:
- Qazaqstannyń shet memlekettermen ósimdikter karantıni salasyndaǵy ózara qarym-qatynastaryn damytýdy qamtamasyz etedi;
- agroónerkásiptik keshen sýbektileriniń ózara is-qımylynyń ońtaıly nysandaryn damytý úshin agroónerkásiptik keshen salalaryn aıqyndaý;
- ınvestıtsııa tartý úshin qolaıly jaǵdaı jasaıdy jáne astyq naryǵyn damytý jáne onyń turaqtylyǵyn saqtaý jóninde ózge de sharalar qabyldaıdy;
- QR zańnamasyna sáıkes, agroónerkásip kesheninde qalyptasatyn jer qatynastaryn retteıdi;
- áleýmettik mańyzy bar azyq-túlik taýarlaryna shekti baǵalardy belgileý jónindegi sharalardy qospaǵanda, áleýmettik mańyzy bar azyq-túlik taýarlaryna baǵalardy turaqtandyrý tetikterin iske asyratyn mamandandyrylǵan uıymdardyń tizbesin bekitedi;
- aýyldyq eldi mekenderde jáne shaǵyn qalalarda mıkrokredıt berý qaǵıdalaryn ázirleıdi jáne bekitedi;
- agroónerkásiptik keshen salasyndaǵy ınvestıtsııalyq jobalarǵa kredıt berý qaǵıdalaryn ázirleıdi jáne bekitedi;
- búlingen jerlerdi qalpyna keltirý jobalaryn ázirleý jónindegi nusqaýlyqty ázirleıdi jáne bekitedi;
- maqsaty boıynsha paıdalanylmaı jatqan jáne ıgerilmegen ne QR zańnamasyn buza otyryp paıdalanylyp júrgen jer ýchaskelerin anyqtaý jáne alyp qoıý;
- eger qurylys, paıdaly qazba ken oryndaryn ıgerý, obektilerdi paıdalaný, geologııalyq barlaý jáne basqa da jumystar QR jer zańnamasyn buza otyryp, sondaı-aq bul jumystar saraptamadan ótpegen nemese teris qorytyndy alǵan jobalar boıynsha júrgizilip jatsa, onda olardy toqtata turady.
Úkimet qaýlysy 12 maýsymǵa deıin kópshilik talqylaýda bolady.
Keıin Premer-Mınıstr qol qoıyp, qujat quqyqtyq-normatıvtik aktiler portalynda jarııalanǵan soń 10 kún ótip, kúshine enedi.
