Aýyl sharýashylyǵy mınıstrliginde balyq eksportyna qatysty máseleler talqylanýda
áýirdiń 6-cy. QazAqparat /Qanat Mámetqazyuly/ - Búgin QR Aýyl sharýashylyǵy mınıstrliginde vedomstvo basshysy Aqylbek Kúrishbaevtyń qatysýymen elimizdegi balyq sharýashylyǵy salasyndaǵy qaıta óńdeý máselelerine arnalǵan dóńgelek ústel ótýde.
Jıynǵa Qazaqstannyń balyq sharýashylyǵyna qatysty múddeli memlekettik organdar, bıznes qurylymdar, sharýashylyq jáne qoǵamdyq uıymdar ókilderi, eksport máseleleri boıynsha sarypshy-mamandar qatysýda, dep habarlaıdy QazAqparat.
Basqosýdyń kún tártibine sáıkes, balyq sharýashylyǵyndaǵy eksporttyq operatsııalar kezinde qosymsha qun salyǵyn qaıtarý merzimin qysqartý, ónimdi eksporttaýǵa arnalǵan qajetti ruqsat berý qujattaryn rásimdeýdi jeńildetý sharalary talqylanýda. Sondaı-aq jıyn barysynda otandyq balyqty qaıta óńdeıtin kásiporyndardy yntalandyrý, balyq salasyndaǵy kásiporyndar úshin jeńildetilgen salyq salý máseleleri jaıynda áńgime órbimek.
Sonymen birge, dóńgelek ústel otyrysynda Qazaqstan, Reseı jáne Belarýs memleketteri arasyndaǵy Kedendik odaq jaǵdaıynda balyqty qaıta óńdeý salasyn jandandyrý máselesine erekshe nazar aýdarylyp otyr. Budan bólek, Eýropalyq odaq elderine balyq ónimderin eksporttaýǵa kedergi bolatyn faktorlardy aıqyndaý, otandyq balyq ónimderin shyǵarýshylardy shıkizatpen qamtamasyz etý máseleleri de talqylandy.
Jıynnyń qorytyndysy boıynsha halyqaralyq tájirıbe eskerile otyryp, balyq ónimderin qaıta óńdeý salasynda memlekettik qoldaýdyń keshendi sharalaryna qatysty usynystar ázirlenetin bolady. Sonymen birge, balyq óńdeý salasyndaǵy kedergilerdi eńserý maqsatynda mınıstrliktiń qurylymdyq bólimshelerine jáne basqa da memlekettik organdarǵa tıisti tapsyrmalar júkteledi.
