Aýyl sharýashylyǵy mınıstrliginde aýyldaǵy áıel kásipkerlerdi nesıelendirý máseleleri talqylandy
ASTANA. Naýryzdyń 18-i. QazAqparat - Búgin Aýyl sharýashylyǵy mınıstrliginde «Genderlik aspektini eskere otyryp aýyl halqyna shaǵyn nesıelendirýdi damytý» taqyrybynda dóńgelek ústel otyrysy ótti,
dep habarlaıdy QazAqparat vedomstvonyń baspasóz qyzmetine silteme jasap.
Dóńgelek ústel barysynda mınıstrliktiń Aýyldyq aýmaqtar isteri jónindegi Komıtetiniń tóraǵa orynbasary Mıhaıl Troshıhın aýylda shaǵyn nesıelendirýdi damytý máselesi boıynsha baıandama jasady.
Jıynda genderlik aspektini eskerýmen shaǵyn nesıelendirý sektoryn ári qaraı damytýdyń naqty máseleleri qarastyrylyp, talqylandy. Aldyńǵy jyldardaǵy basty mindetterdiń biri - memleket pen bıznestiń ózara árekettesýimen shaǵyn nesıelendirýdiń tıimdi júıesin qurý, halyqaralyq uıymdarynyń qatysýymen sektordyń ınstıtýtsıonaldyq ınfraqurylymyn nyǵaıtý, respýblıkalyq jáne jergilikti bıýdjetterden aýyl halqyn, onyń ishinde áıelderge shaǵyn nesıelendirýge qarjy bólý, sonymen qatar shaǵyn nesıelendirý sektorynyń zańnamalyq negizin jetildirý boldy.
Qorytyndylaı kele, qatysýshalar shaǵyn qarjylandyrý sektoryn memlekettik qoldaýdyń josparlanǵan is-sharalary áıelderdiń kásipkerligin damytýǵa, aýyl halqynyń jumyspen qamtylýyna jáne ál-aýqatynyń joǵarlaýyna yqpal etetinine senim bildirdi.
Іs-shara sońynda memlekettik organdarǵa, úkimettik emes uıymdarǵa jáne «Aýyl sharýashylyǵyn qarjylaı qoldaý qory» AQ-ǵa usynystar joldanyp, tıisti hattamalyq sheshimder qabyldandy.
Otyrysqa QR Parlamentiniń depýtattary, mınıstrlikterdiń, qoǵamdyq jáne halyqaralyq uıymdardyń ókilderi qatysty.
