Aýyl sharýashylyǵy mınıstrligi janynan barlyq sala boıynsha arnaıy ǵylymı-tehnıkalyq keńester ashamyz - Asyljan Mamytbekov
MATY. 19 tamyz. QazAqparat /Erlik Erjanuly/ - Qazaq ulttyq agrarlyq ýnıversıteti 80 jyldan astam ýaqyttyń ishinde 100 myńnan astam mamandardy daıyndady.
Men búgin sizdermen kezdesip otyrǵanyma erekshe qýanyshtymyn. Bul týraly QR Aýyl sharýashylyǵy mınıstri Asyljan Mamytbekov búgin jumys babymen Qazaq ulttyq agrarlyq ýnıversıtetinde bolǵan kezde aıtty.
Onda A.Mamytbekov oqý ornyndaǵy Qazaq-Japon ınnovatsııalyq ortalyǵynyń, ǵylymı-zertteý ınstıtýttary men túrli zerthanalardyń jumysymen tanysyp, aımaqtyq áleýmettik-kásipkerlik korporatsııalarynyń jetekshilerimen beınekonferentsııa ótkizdi. Sondaı-aq ýnıversıtettiń oqytýshy-professorlarymen kezdesip, aýyl sharýashylyǵyn damytýdyń ózekti máseleleri týraly oı-pikirlerimen bólisti.
"Qazaqulttyq agrarlyq ýnıversıteti elimizdiń aýyl sharýashylyǵy salasynda bilimdi, bilikti mamandar daıyndaıtyn ortalyqqa aınaldy. Búgingi kezdesýge ózim úlken qýanyshpen kelip otyrmyn. Men agrarlyq salanyń mamany emespin. Bul salada kóp nárseni bilmeımin, sizderden úırenip júrmin. Mınıstrlikke kelgen soń onyń janynan veterınarlyq sala boıynsha ǵylymı-tehnıkalyq keńes ashtyq", - deıdi Asyljan Mamytbekov. Aýyl sharýashylyǵy mınıstriniń aıtýynsha, aldaǵy ýaqytta endi ózge baǵyttar boıynsha da arnaıy ǵylymı-tehnıkalyq keńester qurylmaq.
