Aýyl sharýashylyǵy mınıstrligi sýbsıdııalaýdyń jańa tetigin ázirleýde

NUR-SULTAN. QazAqparat - Aýyl sharýashylyǵy mınıstri Erbol Qarashókeev jumys saparymen Shyǵys Qazaqstan oblysy sapary barysynda sýbsıdııalaýdyń jańa tetigi týraly aıtty, dep habarlaıdy QazAqparat.

Mınıstr Solnechnoe kentindegi «Maıly daqyldardyń tájirıbelik sharýashylyǵy» JShS qyzmetimen tanysyp, oqý ortalyǵyn, 1200 basqa arnalǵan sút-taýar fermasyn, seriktestiktiń selektsııalyq jetistikter kórmesin, kásiporyn qyzmetkerleri úshin salynyp jatqan turǵyn úı keshenin aralady.

Sondaı-aq agrarshylarmen suhbat barysynda óńirde kóktemgi dala jumystary josparlanǵan merzimde sátti aıaqtalǵany, sondaı-aq «Keń Dala» baǵdarlamasy sheńberinde forvardtyq satyp alý jáne jeńildikpen kredıt berý kólemi ulǵaıtylǵany atalyp ótildi. Qazirgi ýaqytta Aýyl sharýashylyǵy mınıstrligi aýyl sharýashylyǵy taýar óndirýshilerimen birlesip sýbsıdııalaýdyń jańa tetigin ázirleý jumystary jalǵasyp jatyr.

«Shyǵys Qazaqstan oblysynda 2022-2024 jyldar kezeńinde AÓK salasynda 34 ınvestıtsııalyq joba, sondaı-aq olardy iske asyrý úshin ınjenerlik – kommýnıkatsııalyq ınfraqurylymdy júrgizý josparlanǵan», - dep atap ótti mınıstr.

Budan bólek, E.Qarashókeev, QR agroónerkásiptik keshenin qoldaýǵa aǵymdaǵy jyly 310 mlrd teńgeden astam sýbsıdııa qarastyrylǵanyn, onyń ishinde ósimdik sharýashylyǵyna – 80 mlrd teńge, mal sharýashylyǵyna – 100 mlrd teńge, aýyl sharýashylyǵy ónimderin óńdeýge – 8,4 mlrd teńge, qarjy quraldaryna – 120,4 mlrd teńge bólinetinin atap ótti.

Jalpy, otandyq agroónerkásiptik keshenniń turaqtylyǵyn saqtaý úshin agrobıznes sýbektilerin qarjylandyrýǵa qosymsha 298,1 mlrd teńge bólingenin, onyń ishinde salany sýbsıdııalaýǵa 139 mlrd teńgeden astam qarajat baǵyttalǵan.