Aýyl sharýashylyǵy mınıstrligi sekseýildi otaýǵa shekteý qoımaq
ASTANA. 14 qyrkúıek. QazAqparat - Elimizde sekseýildi otaýǵa shekteý qoıylmaq.
Bul týraly búgin QR Aýyl sharashylyǵy mınıstrliginiń alqa májilisinde vedomstvoǵa qarasty Orman jáne ańshylyq sharýashylyǵy komıtetiniń tóraǵasy Erlan Nysanbaev málim etti.
«Sekseýil kóshetterin qorǵaýdy kúsheıtý maqsatynda Jambyl oblysyndaǵy sekseýildi otaýǵa qoıylǵan barlyq shekteýlerdi basqa da oblystarǵa da engizý josparlanýda», - dedi ol.
Onyń atap ótýinshe, orman kóshetterin otyrǵyzýda keıbir óńirler artta qalyp keledi. Máselen, Pavlodar oblysynda «Jasyl damý» baǵdarlamasy aıasynda 23 gektar orman kóshetin otyrǵyzý josparlansa, búgingi tańda tek 15 gektar alqapqa ǵana aǵash egilgen. Al Jambyl oblysynda sońǵy jyldary egilgen 57 myń gektar kóshettiń 17 myń gektary qýrap qalǵan. «Osyndaı kóshet otyrǵyzýdyń tómen nátıjeliligin eskere otyryp, sekseýil egýge kóshý qajet», - dedi komıtet basshysy.
Sonymen qatar E.Nysanbaevtyń aıtýyesha, ormannyń qalpyna keltirilýi men otalýyna jyl saıynǵy júrgizilgen saraptama orman alqaptary aýmaǵynyń ósýi deńgeıiniń nátıjesi tómen bolyp otyrǵandyǵyn kórsetti.
