Aýyl sharýashylyǵy mınıstrligi ósimdik sharýashylyǵyn qoldaýdyń jańa tetikterin ázirlemek

Bul týraly búgin atalǵan mınıstrlikte ótken brıfıng barysynda málim boldy.

«Іskerlik keńes memleket pen bıznestiń ózara árekettestigin júzege asyratyn bolady. Memleket basshysy árbir mınıstrlikke ınvestıtsııa máselelerine barynsha mán berýdi júktegen edi. Sondyqtan da, Іskerlik keńestiń maqsaty aýyl sharýashylyǵy ónimderin ótkizýdi jáne tereń qaıta óńdelýin, básekege qabiletti óndiristi qamtamasyz etetin respýblıkada joǵary tehnologııalyq ınfraqurylymdyq óndirister qurý úshin iri kólemdi ınvestıtsııalar tartýdy júzege asyratyn bolady. Sol baǵytta mınıstrlik tarapynan ázirlenip jatqan aýyl sharýashylyǵy taýar óndirýshilerin memlekettik qoldaýdyń jańa baǵyttary talqylanady. Jaqynda Іskerlik keńestiń alǵashqy otyrysy ótken bolatyn. Onda ósimdik sharýashylyǵy salasyn qoldaýdyń jańa tetikteri talqylandy»,- deıdi Іskerlik keńes tóraǵasynyń orynbasary Arman Evnıev.

Atap aıtqanda, ósimdik sharýashylyǵyn yntalandyrý úshin Іskerlik keńestiń qatysýshylary aýylsharýashylyq taýalarynyń kepildi satylymyn qamtamasyz etýge, tehnıkany jańartýǵa arnalǵan lızıngtik baǵdarlamalardy arzandatýǵa, aýylsharýashylyq taýar óndirýshilerge nesıelik resýrstarǵa qol jetimdiligin qamtamasyz etýge baǵyttalǵan salany qoldaýdyń jańa tetikterin ázirleýdi josparlap otyr.

Eske sala keteıik, Іskerlik keńes quramyna salaaralyq odaqtar men birlestikterdiń basshylary deńgeıinde el ekonomıkasynyń agroónerkásip sektorynyń ókilderi, agroónerkásip keshen qatysýshylarynyń qyzyǵýshylyqtaryn bildiretin óndirister men aýylsharýashylyq qurylymdary, sondaı-aq mınıstrliktiń qurylymdyq bólimsheleriniń basshylary kiredi.