Aýyl sharýashylyǵy mınıstrligi Mańǵystaýǵa shóp jetkizý úshin kómek surady
Bul týraly Aýyl sharýashylyǵy mınıstrliginiń resmı saıtynda jarııalandy.
«Aýyl sharýashylyǵy mınıstriniń mindetin atqarýshy Erbol Qarashókeev «Qazaqstan Temir Joly» ulttyq kompanııasynyń basshysy Nurlan Saýranbaevpen telefon arqyly sóılesti. Áńgime barysynda Erbol Qarashókeev Túrkistan oblysynyń belsendi turǵyndary jınaǵan jem-shópti tegin ári jedel jetkizip berýge kómektesýin surady. Ulttyq tasymaldaýshy kompanııanyń basshysy bul máseleni óz baqylaýyna alyp, kómek beretinin aıtty», - dep jazylǵan resmı aqparatta.
Buǵan deıin shymkenttik Qurmet Talapqazynyń Mańǵystaýdaǵy maldy aýyldarǵa shóp jiberý týraly bastamasy el ishinde keńinen qoldaý tapqanyn jazǵan bolatynbyz.
Eriktiler jınaǵan shóptiń alǵashqy 5 vagony halyqtan jınalǵan aqshanyń kúshimen jetkizilse, temirjol tasymaldaýshylar taǵy 5 vagon shópti tegin jetkizgen bolatyn. Osylaısha búginge deıin Qurmet Talapqazy bastaǵan eriktiler jutaǵan aýyldarǵa teńdeı bólip berdi.