Aýyl sharýashylyǵy mınıstrligi kókónis saqtaıtyn oryndar úshin sýbsıdııa bóledi
«Qolda bar shıkizat bazasy saýda-logıstıkalyq júıeniń damymaǵanyna baılanysty jyl boıy sapaly shıkizattyń birkelki jetkizilip turýyn qamtamasyz etpeıdi. Taýar satý aldynda daıyndaıtyn jýý, ólshep salý, keptirý, kolıbrleý, tasymaldaý sekildi taǵy basqa nysandar joq deýge bolady. Jalpy ótkizý júıesinde ıntegratsııanyń jetkiliksizdigi otandyq óndiristiń damýyn tejeýde. Jekelegen óńirlerde jemis, kókónis pen tamaq ónimderin saqtaıtyn qoıma ınfraqurylymy jetkilikti deńgeıde damymaǵan. Ákimdikterdiń aldyna ala derekteri boıynsha respýblıkada jalpy syıymdylyǵy 1 mln 800 myń tonna bolatyn 1249 jemis, kókónis jánke kartop saqtaý oryny bar. Bul jetkizilgen ónimdi saqtaý úshin jetkiliksiz», - dedi Aýyl sharýashylyǵy mınıstri Saparhan Omarov Úkimet otyrysynda.
Mınıstrdiń aıtýynsha, kartop, qyryqqabat pen sábiz, pııaz ben qyzylshaǵa mamandandyrylǵan saqtaý orny qajet.
«Aýyl sharýashylyǵy mınıstrligi óz tarapynan saýda-logıstıkalyq ınfraqurylymnyń ajyramas bóligi sanalatyn jańa tehnologııalardy engizý, pıtomnıkter sharýashylyǵyn damytý, sapaly tuqymdar men kóshetterdi paıdalaný, sýarmaly jerler alańyn keńeıtý, zamanǵa saı sýarý mashınalaryn paıdalaný, sondaı-aq jemister, kókónister jáne kartop saqtaıtyn syıymdylyqtardy jańǵyrtý esebinen kókónis, jemis óndirý kólemin ulǵaıtý sharalaryn qabyldaýda. Kókónis oryndaryn saqtaýǵa kásipkerlerdi yntalandyrý úshin mınıstrlik 25 paıyz mólsherinde ınvestıtsııalyq sýbsıdııa, sondaı-aq «Qarapaıym zattar ekonomıkasy» baǵdarlamasy boıynsha jeńildetilgen nesıe berýdi kózdep otyr», - dedi ol.