Aýyl sharýashylyǵy mınıstrligi keńestik kezdegi veterınarııa júıesin jandandyrmaq

 Bul týraly búgin Parlament Májilisinde ótken Úkimet saǵatynda Aýyl sharýashylyǵy mınıstri Asyljan Mamytbekov málim etti.

«2006 jylǵy veterınarııa týraly zańnamaǵa engizilgen ózgeristerge sáıkes, jergilikti atqarýshy organdardyń memlekettik veterınarııalyq uıymdar qurý quqyǵy alynyp tastaldy jáne bunyń barlyǵy jekemenshik veterınarııalarǵa beriletindigi kózdelgen edi.Onda naryqtyń ózi barlyǵyn rettep, tıisti aqyly qyzmetterdi jeke sektor kórsetýi tıis bolatyn. Alaıda, byltyrǵa deıin júzege asqan bul tájirıbe óziniń jaramsyzdyǵyn tanytty. Máselen, aýylda 2 myńǵa tarta veterınar jumys istedi. Al norma boıynsha 850 bas malǵa bir veterınardan kelýi tıis bolatyn. Bul úshin tapshy veterınarlar sany 9,5 myńdy qurady»», - deıdi aýyl sharýashylyǵy mınıstri. Onyń aıtýynsha, bundaı kórsetkish jetkiliksiz  ári olardyń biliktiligi de tıisti deńgeıde bolmady. Onyń ústine jas veterınarlar bul salaǵa barmady. ıAǵnı, naryq óz-ózin retteı almady.

«Soǵan oraı, jergilikti atqarýshy organdarǵa memlekettik veterınarııalyq uıymdar qurýǵa quqyq qaıta berildi. Alaıda, bundaı memlekettik kásiporyndar qurylǵanymen, olar júıeli ózgerister kórsetpedi. Tek bıylǵy jyly ǵana qabyldanǵan zań jergilikti atqarýshy bılikke ondaı memlekettik qurylymdar qurýdy mindettedi. Osyǵan oraı, biz eski, keńestik veterınarııalyq júıeni qaıta qalpyna keltiremiz», - dedi A. Mamytbekov.

«Jalpy alǵanda elimizdegi mal basynyń keıbir túrleriniń 85 paıyzyna deıin jeke úı sharýashylyǵynyń qaramaǵynda bolatynyn jáne olardyń eshqashan óz qaltalarynan qarajat shyǵaryp veterınar qyzmetin jaldamaıtynyn eskersek, bundaı qadamǵa barý biz úshin asa ózekti másele bolyp qalyp otyr», - deıdi ol.