Aýyl sharýashylyǵy mınıstrligi fermerlerge 230 onlaın-keńes ótkizedi
Eldegi tótenshe jaǵdaıǵa baılanysty «Ulttyq agrarlyq ǵylymı bilim berý ortalyǵy» KeAQ ǵalymdary Facebook, Instagram, Telegram jáne basqa ınternet-resýrstar arqyly fermerlerge qashyqtan konsýltatsııalar uıymdastyrdy.
30 naýryzdan bastap «UAǴBO» KeAQ-nyń, QazUAÝ jáne aýyl sharýashylyǵy jáne ósimdik sharýashylyǵy, maqta sharýashylyǵy, jemis-jıdek, kúrish, mal sharýashylyǵy ǵylymı-zertteý ınstıtýttarymen birlesip 55 myń fermerge kóktemgi dala jumystaryna daıyndyq boıynsha 7 onlaın-keńes ótkizdi.
Internet arqyly konsýltatsııalar suraq-jaýap túrinde júrgizildi.
Fermerlerdi elıtalyq tuqymdarmen qamtamasyz etý, tyńaıtqyshtardy durys qoldaný, parazıtter men aýrýlarǵa qarsy agrohımııalyq sharalar júrgizý, uryqtandyrýdyń jasandy tehnologııalaryn engizý, jerdiń qunarlyǵyn jaqsartý jáne basqa da máseleler qyzyqtyrdy.
Sharýalar ózderin tolǵandyrǵan suraqtarǵa ǵalymdardan tolyq jaýap ala aldy. Onlaın kezdesýden keıin ǵalymdar jeke usynystar men jazbasha jaýaptar jasady, olar fermerlerdiń elektrondy poshtasyna jiberildi.
«Qazir egis kezinde fermerlerge qoldaý kórsetý óte mańyzdy. Búgingi qıyn jaǵdaıda zamanaýı tehnologııalardyń kómegimen Qazaqstannyń fermerlerine keńester berip, kómektesýdi jalǵastyramyz. UAǴBO-nyń barlyq fılıaldary, ǵylymı-zertteý ınstıtýttary men tájirıbe stansalary, fermerlerge áleýmettik jeliler men messendjerler arqyly óz usynystaryn beredi», - dedi UAǴBO-nyń basqarma tóraǵasy Tóleýtaı Rahymbekov.
Onyń aıtýynsha, egis maýsymyna deıin UAǴBO-nyń ǵalymdary qazaqstandyq fermerler úshin 230 onlaın-keńes ótkizýdi josparlap otyr.
Ótken jyly UAǴBO 610 konsýltatsııa ótkizdi, al ortalyqtyń enshiles kompanııalary myńnan astam aqparattyq-túsindirý is-sharalaryn, onyń ishinde 742 aýylsharýashylyq óndiris ortalyqtary úshin 160-tan astam keńes ótkizgen bolatyn.