Aýyl sharýashylyǵy mınıstrligi et baǵasynyń ósýine túsinik berdi
Baspasóz máslıhaty barysynda tilshiler tarapynan elimizdiń óńirlerinde ettiń baǵasy qymbattaǵany aıtylyp, buǵan ne sebep bolǵandyǵy týraly suraq qoıyldy.
«Baǵa ósse (aýyl sharýashylyǵy ónimderine), mınıstrilikti jáne aýyl sharýashylyǵy taýarlaryn óndirýshilerdi bul jaǵdaı qýantady. Sebebi sharýalar ónim óndiretinder taýarlaryn qymbattyraq ótkizýge múmkindik alady. Atap aıtqanda, baǵa boıynsha óńirlerde áralýandyq baıqalady, búginde baǵalarǵa kúndelikti monıtorıng júrip jatyr»,-dep toqtaldy ol.
Aıtýǵanovtyń sózine qaraǵanda, kóktem mezgilinde jappaı tórt túlik maldyń tóldeýi júrip jatqandyqtan, ettiń kólemi birshama tómendeıdi. Sondyqtan baǵanyń maýsymdyq ósimi oryn alyp otyr.
Budan bólek, tilshiler Qazaqstannyń aýsyldan taza el mártebesin alýyna oraı et eksportynyń artýy ishki naryqtaǵy baǵanyń ósimine qanshalyq áser etetindigin surady.
Óz kezeginde birinshi vıtse-mınıstr ónim eksporty artsa, ishki naryqta baǵanyń joǵarylaýyn eshkim joqqa shaǵarmaıtynyn jetkizdi. ıAǵnı, bul rette eksport turaqty bolsa, baǵanyń ósetindigi týraly boljam bar. Sebebi aýyl sharýashylyǵy taýar óndirýshilerine tıimdi baǵamen óndirý qolaıly.