Aýyl sharýashylyǵy mınıstrligi dıqandardan qosymsha astyq satyp alýdy qarastyrýda
«Qazirgi ýaqytta qosymsha astyq satyp alý máselesi talqylanýda. Túrli másele bar. Máselen, astyqtyń bir bóligin satyp alsaq, onda ol shaǵyn ǵana bóligi bolady jáne naryqta narazylyq týdyrady. Birneshe mıllıon emes tek qana 500 myń tonna satyp alar bolsaq, onda da «menen nege satyp almady» degen suraq týyndaıdy. Sondyqtan qazirgi ýaqytta birneshe nusqany qarastyryp jatyrmyz. Múmkin basqa quraldy qoldaný tıimdi bolar», - dedi ol Senattyń Agrarlyq máseleler, tabıǵatty paıdalaný jáne aýyldyq aımaqtardy damytý komıtetinde «Qazaqstan Respýblıkasy Úkimeti men Azyq-túlik qaýipsizdigi jónindegi Islam uıymy arasynda shtab-páter týraly kelisimdi ratıfıkatsııalaý týraly» zań jobasy qaralǵannan keıin BAQ ókilderine bergen suhbatynda.
Aıta keteıik, QR Parlamenti Májilisiniń jalpy otyrysynda depýtat Albert Raý dıqandardan qosymsha astyq satyp alý máselesin kótergen bolatyn.
«Qazir ǵana «QazAgro» tóraǵasymen sóılestim, satyp alynǵan 115 myń tonna astyq naryqqa eshqandaı tıimdilik bermeıdi. Naryq qozǵalmaı tur. Alypsatarlar osyny paıdalanyp, dıqandarymyzǵa qysym kórsetýde»,- degen edi Albert Raý.