Aýyl sharýashylyǵy mınıstrligi bıylǵy qurǵaqshylyqqa baılanysty sharýalarǵa qoldaý kórsetedi
ASTANA. 22 shilde. QazAqparat - Aýyl sharýashylyǵy mınıstrligi bıylǵy qurǵaqshylyqqa baılanysty sharýalar men aýyl sharýashylyǵy qurylymdaryna kómek kórsetý sharalaryn ázirleýde,
ep habarlady vedomstvonyń jaýapty hatshysy Evgenıı Aman pm.kz saıtyna bergen suhbatynda.
«Bıyl barlyq óńirde aptap ystyq jáne qurǵaqshylyq baıqalýda. Ásirese, Qostanaı, Qaraǵandy, Batys Qazaqstan, Aqtóbe oblystaryndaǵy ystyqtyń beti jaman. Qalyptasqan ahýaldy túsine jáne jáne problemalaryn saldaryn baǵalaı otyryp, biz birqatar sharalardy belgilep otyrmyz», - dedi E.Aman.
Jaýapty hatshynyń aıtýynsha, bul sharalar tuqymdyq rezervin jasaýǵa, nesıelerdi uzartý yqtımaldyǵyna qatysty bolady, sondaı-aq jem-shóp daıarlaýdy arzandatý úshin jeke arnaıy qoldaý sharalary qabyldanbaq.
«2010 jyly biz birqatar sharalardy synnan ótkizip kórdik, bıyl olardyń qataryn keńeıtip, bıznestiń shyǵyndaryn azaıtýǵa múmkindik beretin qoldaý sharalaryn qabyldamaqpyz. Kóptegen sharýalar úshin jem-shóp jetispeýshiligi úlken problema bolyp tabylady, sondyqtan da mal basynyń azaıyp ketýine jol bermeýimiz kerek», dedi E.Aman óz sózinde.
Evgenıı Aman sondaı-aq, byltyr kóptegen sharýashylyqtardyń jem-shóptiń eki jyldyq qoryn jasap alǵanyn, sonyń arqasynda olar bıylǵy qurǵaqshylyqtan jeńil shyǵatynyn aıta kelip, al qorlary joq fermerlik sharýashylyqtarǵa kómektiń qajet ekenin aıtty.
«Eger sharýashylyqtar mal basynyń sanyn azaıtqysy kelse, biz oǵan da daıyndyz, qazir biz «Sybaǵa» baǵdarlamasynyń aıasynda iri qara mal basyn satyp alýdy ulǵaıtyp otyrmyz», dep túıindedi óz sózin E.Aman.
