Aýyl sharýashylyǵy mınıstrligi bıylǵy egin túsiminiń boljamyn ózgerissiz qaldyrady
ASTANA. 28 tamyz. QazAqparat - Aýyl sharýashylyǵy mınıstrligi aǵymdaǵy jylǵy egin túsiminiń boljamyn ózgerissiz qaldyrady. Bul týraly búgin Aýyl sharýashylyǵy mınıstrliginde ótken brıfıng barysynda málim boldy.
Vedomstvonyń jaýapty hatshysy Evgenıı Amannyń aıtýynsha, egin túsimin boljaý ótken egin naýqany barysynda oryn alǵan kúrdeli tabıǵı jaǵdaılarǵa baılanysty qıynǵa soǵady. Máselen, shilde aıy boıyna qýańshylyq bolsa, tamyzda birqatar óńirlerde jaýyn-shashyn mol tústi. Bul aramshópterdi de qaptatqan. Osynyń ózi egin oraǵynyń qarqynyn báseńdetip, bıdaı sapasyna da óz áserin tıgizýde. «Oblys ákimdikteriniń málimetterine sáıkes, bizdiń boljamymyz burynǵy qalpynsha, jalpy bıdaı jıyny shamamen 13 mln. tonna bolady dep kútiledi», - dedi E.Aman.
Eske sala ketsek, buǵan deıin Jaýapty hatshy kútiletin aǵymdaǵy egin túsiminen bólek, Qazaqstanda 2011 jyldan qalǵan 9 mln. tonna astyqtyń bar ekendigin aıtqan bolatyn.
