Aýyl sharýashylyǵy mınıstrligi bıyldan bastap «QazAgroInnovatsııa» kompanııasyn úsh jylǵy dıvıdent tóleýden tolyq bosatty

Búgin QR Parlamenti Senaty Agrarlyq máseleler jáne qorshaǵan ortany qorǵaý komıtetiniń «QazAgroInnovatsııa» AQ-da ótken kóshpeli otyrysynda Aýyl sharýashylyǵy vıtse-mınıstri Marat Orazaev osylaı málim etti, dep habarlaıdy QazAqparat.

«Bıyldan bastap mal sharýashylyǵy salasynda iri kólemdegi selektsııa baǵdarlamasyn júzege asyrý bastaldy. Bunyń sheńberinde asyl tuqymdy sharýashylyqtarǵa sýbsıdııa bólý jolyn ózgertý, asyldandyrý úderisine ǵalymdardy tartý josparlanýda. Dúnıejúzilik tájirıbeni eskere otyryp, qarjylyq júktemeni azaıtý úshin mınıstrlik 2010 jyldan bastap «QazAgroInnovatsııa» kompanııasyn úsh jylǵy dıvıdent tóleýden tolyq bosatty. Mınıstrliktiń taǵy bir bastamashylyǵymen 2010 jyldan bıýdjettik zańnamaǵa oblys ákimshilikterine ınnovatsııalyq tájirıbeni engizý jáne taratý úshin qosymsha qarajattar bóliý múmkinshiligi engizildi», dedi M. Orazaev. Onyń aıtýyna qaraǵanda, búgingi kúni oblys ákimdikterimen qarajat bólý jumystary jalǵasyp keledi.