Aýyl sharýashylyǵy mınıstrligi bekire tuqymdas balyqtardy aýlaýǵa shekteý qoıýdy usynady
ASTANA. Mamyrdyń 20-sy. QazAqparat /Qanat Mámetqazyuly/ - QR Aýyl sharýashylyǵy mınıstrligi Úkimetke bekire tuqymdas balyqtardy aýlaýǵa shekteý qoıyp, bulardy tek qana ǵylymı jáne kóbeıtý maqsattarynda aýlaý týraly usynys engizedi.
Bul týraly búgin atalǵan mınıstrlikte ótken baspasóz máslıhatynda Balyq sharýashylyǵy komıtetiniń tóraǵasy ıÝrıı Romashev málim etti, dep habarlaıdy QazAqparat.
«Biz Úkimetke osyndaı usynys jasap otyrmyz jáne qazirgi tańda osy másele ári qaraı pysyqtalyp jatyr. Sonymen birge, dál osy shara bekire tuqymdas balyqtardy aýlaýǵa quqy bar tabıǵatty paıdalanýshylarmen de birlese talqylandy. Olardyń tarapynan bizdiń bastamamyzǵa úlken túsinýshilik bildirildi», dedi ıÝ. Romashev.
Sonymen qatar, Komıtet tóraǵasy mınıstrliktiń Kaspıı teńizi boıynsha bekire tuqymdas balyqtardy aýlaýǵa 10-15 jylǵa deıin moratorıı engizý týraly Qazaqstannyń ustanymy boıynsha jumystar jalǵasa beretinin málimdedi.
