Aýyl sharýashylyǵy mınıstrligi ákimdikterden kómek surady
ASTANA. 16 qazan. QazAqparat - Aýyl sharýashylyǵy mınıstrligi memlekettik azyq-túlik qoryn jańartý úshin astyq satyp alýdy qamtamasyz etý boıynsha ákimdikterden kómek surady.
Bul týraly búgin egin oraǵy naýqany boıynsha selektorlyq tártiptegi Úkimet otyrysynda QR Aýyl sharýashylyǵy mınıstrliginiń jaýapty hatshysy Evgenıı Aman málim etti.
«Qazirgi kezde azyq-túlik korporatsııasy azyq-túlik qoryn jańartý úshin memlekettik resýrstar aıasynda astyq satyp alýdy júzege asyrýda. Naryqta astyq baǵasynyń kúrt ósýin eskere otyryp, Úkimettiń qaýlysymen tonnasyn 40 myń teńge deńgeıinde satyp alý aýyl sharýashylyǵy taýarlaryn óndirýshiler úshin tartymdy bolmaı otyr. Osyǵan baılanysty jospar boıynsha astyqty tolyq kólemde satyp alýǵa qaýip týyndaýda. Bul turǵyda memlekettik azyq-túlik qoryn jańartý úshin astyqty satyp alýdy qamtamasyz etý boıynsha jergilikti jerlerde ákimdikterden qoldaý kórsetýdi suraımyz»,-dep atap ótti E. Aman.
