Aýyl sharýashylyǵy mınıstrligi 5 memlekettik qyzmetti avtomattandyrýdy josparlap otyr

Bul rette osy baǵytta 350 myńǵa jýyq ruqsat berý qujattarynyń berilýi boljanady.  Bul týraly mınıstrliktiń baspasóz qyzmetinen habarlandy.

«2012-2013 jyldary Aýyl sharýashylyǵy mınıstrligi otandyq agroónerkásip kesheniniń «AÓK-Tuǵyrnama» aqparattandyrý jobasyn iske asyrmaq. Osy joba aıasynda 350 myń ruqsat berý qujattarynyń berilýin qamtamasyz etetin 5 memlekettik qyzmetti avtomattandyrý josparlanyp otyr»,- delingen taratylǵan baspasóz habarlamasynda. Vedomstvo baspasóz qyzmeti taratqan aqparattarǵa súıensek, qazirgi ýaqytta aýyl sharýashylyǵy mınıstrligi elektrondyq úkimet portaly arqyly eki elektrondyq qyzmet kórsetedi. Bul rette ortasha eseppen jyl saıyn aýyl sharýashylyǵy mınıstrligi  700 myńǵa jýyq ruqsat berý qaǵazdaryn berip keledi. Al 2011 jyly ákimshilikpen berilgen bundaı qaǵazdardyń sany, anyqtamalardy qosa alǵanda, 6 mln. asty.

Sonymen qatar,  ruqsat berý júıesin jetildirý sheńberinde 2011 jyldyń 15 shildesinde qoldanysqa engen zań boıynsha birinshi kezeńde lıtsenzııalaýdyń 1 túri men 2 shaǵyn túrleri, soǵan qosa astyq eksporty boıynsha lıtsenzııalaý áreketi jáne ruqsat etý qujattarynyń 6 túri alynǵan. Ońtaılandyrýdyń ekinshi kezeńinde AÓK salasynda ruqsat berý qujattarynyń jalpy sanynan 21 ruqsat berý qujattaryn alyp tastaý, 5 ruqsat berý qujatyn jeńildetý tártibine kóshirý usynyldy.