Aýyl sharýashylyǵy mınıstrligi 1 tamyzdan bastap bıdaıǵa eksporttyq sýbsıdııany toqtatýy mýmkin

Bul týraly búgin Aýyl sharýashylyǵy mınıstrliginde ótken brıfıngte málim boldy.

Bundaı sheshimge negizinen álemdik jáne ishki naryqtaǵy astyq baǵasynyń joǵarylaýy sebep bolyp otyr. Máselen, aǵymdaǵy jylǵy shilde aıynyń alǵashqy onkúndiginde úshinshi surypty bıdaı baǵasy 155 AQSh dollaryn quraǵan. Al qańtar aıynda bul kórsetkish 124 dollar bolǵan edi.

Qazirgi kezde "Azyq- túlik kelisimshart korporatsııasy» AQ úshinshi surypty bıdaıdy tonnasyna 21 myń teńgeden satyp alýda.

"Osynyń barlyǵy qazaqstandyq astyqqa degen suranystyń joǵarylaýyna, onyń satý rynogyna oń áser etedi. Demek, astyq eksporty kezindegi tasymaldaý shyǵyndaryn sýbsıdııalaýdy odan ári jalǵastyrý ózektiligin joǵaltady. Osyǵan oraı, QR AShM eksporttyq sýbsıdııalaýdy aǵymdaǵy jyldyń 1 tamyzynan bastap toqtatýy múmkin», - deıdi «Aýyl sharýashylyǵy keshenindegi ekonomıkalyq saıasatty taldaý ortalyǵy» JShS dırektory Saǵyntaı Jumajanov.