Aýyl sharýashylyǵy mınıstri maqta alqaptary nelikten azaıatynyn túsindirdi

ASTANA. QazAqparat - QR Aýyl sharýashylyǵy mınıstri Erbol Qarashókeev eldegi maqta alqabynyń nelikten azaıtylǵanyn túsindirdi, dep habarlaıdy QazAqparat tilshisi.

«Aldyńǵy Úkimet otyrysynda bul týraly tolyq baıandaǵan edim. Bıyl maqta alqabyn 6 myń gektarǵa azaıtamyz. Bul - Aýyl sharýashylyǵy mınıstrliginiń ylǵal súıgish ósimdikterge qatysty saıasaty. Onyń ekonomıkalyq sebepteri de bar, máselen aýyl sharýashylyǵy taýaryn óndirýshi bir gektar maqta alqabynan 200-250 myń teńge tabys tabady. Sol gektarǵa júgeri ekkende 500-550 myń teńge paıda tabar edi», - dedi E. Qarashókeev Úkimet kýlýarynda.

Sonymen birge, Aýyl sharýashylyǵy mınıstri eldegi maqtanyń negizinen eksportqa jiberiletinin aıtty.

«Ótken jyldary onyń baǵasy arzandady, endi naryq pen suranys jaǵdaıyna qaraımyz», - dedi mınıstr.

Buǵan deıin QR Aýyl sharýashylyǵy vıtse-mınıstri Ábilhaıyr Tamabek kóktemgi dala jumystaryna daıyndyq barysy men qandaı daqyldar egiletinin aıtqan edi.