Aýyl sharýashylyǵy mınıstri issaparmen Shyǵys Qazaqstan oblysynda boldy

ÓSKEMEN. QazAqparat - Shyǵys Qazaqstan oblysyna jumys saparymen barǵan Saparhan Omarov kóktemgi dala jumystarynyń jaıymen tanysyp, iri tuqym ósirý sharýashylyǵynda boldy, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.

Aýyl sharýashylyǵy mınıstrin óńirdegi ákimdik ókilderi egin naýqanynyń jaı-kúıimen tanystyrdy. Búgingi tańda jer jyrtý, ylǵaldy jabý jáne kúzdik daqyldar men kópjyldyq shópterdi egý jumystary tolyǵymen aıaqtaldy.

Jalpy, bıyl Shyǵys Qazaqstan oblysynda 1,3 mıllıon gektar alqapqa egin egiledi, bul ótken jylmen salystyrǵanda 6,8 myń gektarǵa kóp. Kóbine oblysta dándi jáne burshaqty, sonymen birge maıly daqyldar egiledi. 445 myń gektardan astam jerge negizinen maıly daqyldar salynady.

Sondaı-aq, 19 myń ga jerge kartop, 16 myńǵa kókónis pen baqsha egiledi. Bul Shyǵys Qazaqstan oblysyndaǵy jalpy egis alqabynyń 2,5%.

Oblysta kóktemgi dala jumystaryn 2,5 myńnan astam sharýa qojalyqtary júrgizedi. Oǵan 16,6 myń traktor, 5 myńnan astam júk kóligi, 93 egin egý kesheni, 11 myńnan astam sepkish, soqalar men qopsytqyshtar tartyldy.

Egis alqaby úshin Pavlodar MHZ-nan 30 myń tonna dızel otyny berildi. Tuqym, mıneraldy tyńaıtqyshtar, gerbıtsıdter men pestıtsıdter satyp alýǵa sýbsıdııa túrinde oblystyq bıýdjetten 5,4 mlrd. teńgeden astam qarajat bólindi.

Kóktemgi dala jumystarymen tanysqannan keıin Aýyl sharýashylyǵy mınıstri Glýbokoe aýdany, Solnechnoe aýylyndaǵy «Maıly daqyldardyń tájirıbelik sharýashylyǵy» JShS ujymymen kezdesti. Bul 55 jyldyq tarıhy bar kompanııa. Negizgi baǵyty kúnbaǵys jáne dándi daqyldardyń joǵary reprodýktsııasynyń tuqymdaryn óndiredi, sonymen qatar, aýylsharýashylyq ónimderiniń taýarlyq óndirisi jáne sút fermalary bar. Kompanııada 350 adam jumys isteıdi.

Kompanııa dırektory M. Atahanov mınıstrge qoldanystaǵy óndiristik baza jaıly baıandady.

Onyń aıtýynsha, fermada 10 myń gektar alqap bar, onda kúzdik jáne jazdyq bıdaı, arpa, burshaq, soıa, kúnbaǵys jáne kópjyldyq ósimdikterdiń tuqymdary ósiriledi. Maıly daqyldarǵa ásirese kúnbaǵysqa erekshe basymdyq beriledi. 1965 jyldan bastap kompanııa 20-dan astam joǵary sapaly maı túrlerin shyǵardy.

Saparhan Omarov tájirıbeli sharýashylyqta ǵylymdy damytýǵa 100 mıllıonnan astam qarajat tartý boıynsha jumystar uıymdastyrylǵanyn atap ótti. Investorlar qarajatyna jańadan selektsııalyq tuqym sharýashylyǵy jáne zerthanalyq qurylǵylar alynǵan.