Aýyl sharýashylyǵy men óńdeý ónerkásibine ınvestıtsııa kólemi azaıǵan

NUR-SULTAN. QazAqparat – Bıylǵy bes aıda aýyl sharýashylyǵy men óńdeý ónerkásibine tartylǵan ınvestıtsııa kólemi azaıǵan. Mundaı derekterdi Ulttyq statıstıka bıýrosy jarııalady, dep habarlaıdy QazAqparat tilshisi.

«2022 jyldyń qańtar-maýsym aralyǵynda aýyl, orman jáne balyq sharýashylyǵynyń negizgi kapıtalyna salynǵan ınvestıtsııalardyń kólemi - 342,9 mlrd teńge. Bul ótken jyldyń sáıkes kezeńimen salystyrǵanda 3,5 paıyzǵa az.

Investıtsııanyń 155,4 mlrd teńgesi Aqmola, Qostanaı jáne Soltústik Qazaqstan sııaqty astyq egetin oblystarǵa baǵyttaldy. Qarjynyń 63,2 paıyzy bir jáne ekijyldyq daqyldardy ósirýge, al 25,9 paıyzy mal sharýashylyǵyn damytý úshin jumsalady.

Bıylǵy bes aıda óńdeý ónerkásibine 599,1 mlrd teńge ınvestıtsııa tartyldy. Bul ótken jylmen salystyrǵanda 3,2 paıyzǵa az. Investıtsııalardyń 78,8 paıyzy - menshikti qarajat. Óńdeý ónerkásibine tartylǵan ınvestıtsııanyń 68 paıyzy metallýrgııa óndirisine, hımııa ónerkásibi men tamaq ónimderin óndirýge baǵyttaldy», - dep bes aıdyń qorytyndysyn jarııalady Ulttyq statıstıka bıýrosy.

Aıta ketsek, buryn habarlaǵanymyzdaı, Atyraýda týrızm salasynda 10,8 mlrd teńgeniń 9 ınvestıtsııalyq jobasy iske asady.