Aýyl sharýashylyǵy maqsatyndaǵy jerlerdi alý jeńildetildi

ASTANA. QazAqparat - Agroónerkásiptik keshende jumys isteıtin sýbektilerine jerlerdi kadastrlyq qunynyń 50 paıyzdyq mólsherinde aıqyndalatyn jeńildik baǵamen 10 jylǵa deıin bólip tóleý arqyly alýǵa bolady. Bul týraly búgin Astanada ótken baspasóz máslıhatynda QR Ulttyq ekonomıka mınıstrligi Ekonomıkanyń ınfraqurylymyn damytý departamenti dırektorynyń orynbasary Gúljahan Bımendına málim etti.

Atap aıtqanda, QR Ulttyq ekonomıka mınıstrligimen «100 qadam» Ult josparynyń 35 qadamyn iske asyrý maqsatynda aýyl sharýashylyǵy maqsatyndaǵy jerlerdi jeke menshikke berýdi yntalandyrý úshin «Qazaqstan Respýblıkasynyń Jer kodeksine ózgerister men tolyqtyrýlar engizý týraly» QR Zańy ázirlendi. Qazaqstan Respýblıkasynyń 2015 jylǵy 2 qarashadaǵy «Qazaqstan Respýblıkasynyń Jer kodeksine ózgerister men tolyqtyrýlar engizý týraly» Zańymen (budan ári - Zań) Jer kodeksine túzetýler engizildi.

«Jańa quqyqtyq normalar agroónerkásiptik keshende jumys isteıtin sýbektilerine olarmen jalǵa alynǵan jerlerdi kadastrlyq qunynyń 50 paıyzdyq mólsherinde aıqyndalatyn jeńildik baǵamen 10 jylǵa deıin bólip tóleý arqyly alýǵa bolady», - dedi Gúljahan Bımendına.

Sonymen qatar, sheteldik ınvestorlarǵa da preferentsııalar belgilengen: sheteldik kompanııalar úshin jerdi jalǵa berý merzimi 10 jyldan 25 jylǵa deıin uzartylǵan.

Jer kodeksine engizilgen túzetýler de memleket menshigindegi aýyl sharýashylyǵy maqsatyndaǵy jer ýchaskelerin jeke menshikke aýktsıon arqyly berý kózdelgen.

Jer ýchaskeleri QR jeke jáne zańdy tulǵalaryna jeke menshik quqyǵymen mynadaı retpen aýktsıondarda satý arqyly beriledi: jer ýchaskesiniń kadastrlyq (baǵalaý) qunyn arttyrýdy kózdeıtin aýktsıon arqyly; eger eki aýktsıonnyń qorytyndylary boıynsha ýchaske satylmasa, onda ol ýchaskeniń baǵasyn kadastrlyq qunynyń belgilengen eń tómengi shegine (kadastrlyq qunynyń 50 %) deıin tómendetýdi kózdeıtin aýktsıonǵa qoıylatyn bolady.

Munymen qosa, jalǵa berilgen jer ýchaskelerin satyp alý boıynsha jeńildik sharttaryn usyný eskerilgen. Jer paıdalanýshylarǵa buryn berilgen aýyl sharýashylyǵy maqsatyndaǵy jer ýchaskelerin jaldaý merzimi aıaqtalǵanǵa deıin 10 jylǵa deıin bólip tóleý arqyly, olardyń kadastrlyq qunynyń 50 paıyz mólsherinde aıqyndalatyn jeńildik baǵamen jeke menshikke satyp alýǵa quqyq beredi.

G. Bımendına Zańmen engizilgen ózgerister 2016 jylǵy 1 shildeden kúshine enetinin atap ótti.

Onyń paıymynshşa, Zańnyń qabyldanýy agrarlyq sektordyń damýyna, jumys oryndaryn qurýǵa, sondaı-aq aýyl sharýashylyq óndirisine qosymsha ınvestıtsııalardy tartýǵa múmkindik týǵyzady.