Aýyl sharýashylyǵy maqsatyna baǵyttalǵan sýdyń 20%-ǵa jýyǵy ysyrap bolady

ASTANA. QazAqparat – Magıstraldyq qubyrlar arqyly aýyl sharýashylyǵy maqsattaryna baǵyttalatyn sýdyń 19,8%-y ysyrap bolyp otyr. Bul týraly Sý resýrstaryn basqarý júıesin damytýdyń 2023-2029 jyldarǵa arnalǵan tujyrymdama-jobasynda jazylǵan, dep habarlaıdy QazAqparat tilshisi.

«2020 jyldan 2022 jylǵa deıin magıstraldyq qubyrlar arqyly sý tasymaldaý kezindegi sýdyń edáýir bóligi shyǵyn bolady. Atap aıtqanda, jalpy kólemnen 19,8% sý tasymaldaý kezinde joǵalady. Osylaısha, sýarmaly eginshiliktiń sýdy tıimsiz paıdalanyp otyrǵany baıqalady», - dep jazylǵan qujatta.

Ekologııa mınıstrliginiń málimetinshe, tasymaldaý kezinde sýdyń munsha kólemi tozǵan ınfroqurylymǵa baılanysty shyǵyn bolady.

«Aýyl sharýashylyǵynyń sýdy tutyný úlesi jalpy sý shyǵynynyń 60%-y. 2020 jyldan 2022 jylǵa deıin aýyl sharýashylyǵy qajettiligine baǵyttalǵan sý 14,8 tekshe shaqyrymǵa jetti. Onyń 77%-y 1,4 mln gektar alqapty turaqty sýarýǵa, qalǵan 3,61 tekshe shaqyrymy jaıylym, shabyndyqtarǵa arnaldy. Sektorǵa qajetti sýdyń 98,8% jer ústi basseıinderinen alynady», - degen derekter keltirilgen vedomstvonyń tujyrymdama-jobasynda.

Sondaı-aq, vedomstvo osy tujyrymdamada batys óńirlerdegi sý tapshylyǵy problemasyn sheshý joldaryn usynǵan.