Aýyl sharýashylyǵy kooperatıvteriniń tıimdiligi qandaı
Nurbolat Maqashev Memleket basshysy Nursultan Nazarbaev «Qazaqstannyń úshinshi jańǵyrýy: jahandyq básekege qabilettilik» atty Joldaýynda Aýyl sharýashylyǵy mınıstrligi men oblys ákimdikterine 5 jyldyń ishinde 500 myńnan astam jeke úı sharýashylyqtary men shaǵyn fermerlerdi aýyl sharýashylyǵy kooperatıvterine tartý týraly tapsyrma bergendigin eske saldy.
«Osyǵan baılanysty bıylǵy jyly agroónerkásipti damytýdyń 2017-2021 jyldarǵa arnalǵan memlekettik baǵdarlamasy qabyldandy. Onyń aıasynda 2 021 jylǵa deıin 500 myń sharýashylyqty tarta otyryp 1 204 aýyl sharýashylyǵy kooperatıvin qurý josparlanǵan», - dedi ol.
Departament dırektory orynbasarynyń aıtýynsha, shaǵyn sharýa qojalyqtary men jeke qosalqy sharýashylyqtardy kooperatıvterge tartý boıynsha sharalar kúsheıtilgen. Aýyl sharýashylyǵy, Eńbek jáne halyqty áleýmettik qorǵaý mınıstrlikteri jáne oblys ákimdikteri arasynda aýyl sharýashylyǵy kooperatıvterin qurý boıynsha úshjaqty is-sharalar josparyna qol qoıylǵan.
«Osy is-sharalar josparyna sáıkes osy jyldyń sońyna deıin 467 aýyl sharýashylyǵy kooperatıvin qurý jónindegi ındıkatıvti kórsetkish aıqyndaldy. Sonymen qatar búgingi kúni aýyl sharýashylyǵy kooperatıvterine birqatar qoldaýlar kózdergen. Atap aıtar bolsaq, ótkizilgen sút kóleminiń 1 lıtrine 10, soıyp ótkizilgen iri qara mal basyna 20 myń, usaq malǵa 1 500 teńge sýbsıdııa qarastyrylǵan. Munan bólek, qurama jemniń qunyn arzandatý qarastyrylǵan. Aýyl sharýashylyǵy sýbektisi jańa jabdyq pen tehnmıka satyp alǵan kezde jumsalǵan shyǵystarynyń 50 paıyzyna deıin qunyn óteýge sýbsıdııa beriledi», - dedi ol.
Maqashevtiń aıýynsha, aýyl sharýashylyǵy kooperatıvteri lızıng arqyly bastapqy jarnasyz modýldik sút qabyldaý pýnkterin, sút jáne et tasıtyn kólikterdi satyp alý tetikteri anyqtalǵan.