«Aýyl sharýashylyǵy kooperatıvteri týraly» zań sharýalardyń tabysyn molaıtady - R.Qurmanov
Onyń aıtýynsha, jańa zań arqyly sharýalar óz oılaryn erkin aıtyp, ózara quqyqtaryn teńestire alady. «Aýyl sharýashylyǵy kooperatıvteri týraly» jańa zań kooperatıvterge tańdaý jasaýdy erkindik beredi. Mysaly, burynǵy zań jobalarynda kooperatıvterdiń qaısysy jarǵylyq qorǵa mol aqsha salsa, ol uıym kóbirek daýys beretin edi. Al qazirgi zań boıynsha bir kooperatıv bir daýysqa ıe. Onyń jarǵylyq qorǵa salǵan aqshasyna qaramaı, ózgelermen quqyǵy teńestirilip otyr», - deıdi R.Qurmanov. Jalpy, R.Qurmanov habarlaǵandaı, jańa zań sondaı-aq kooperatıvterdiń qyzmetine aýdıt júrgizý isin bir izge salǵan ári sharýalardyń tabysyn molaıtý úshin de osy qujattyń septigi kóp tıedi eken. «Zań kooperatıvterdiń qyzmetine aýdıt júrgizýdi bir izge saldy. Kooperatıvterdiń músheleri aýdıt jaldap, óz kooperatıviniń qyzmetin tekserte alady. Sonymen qatar bul zań sharýalardyń tabysyn molaıtady. Burynǵy zańnyń maqsaty tabys emes, tutynýshylardyń suranysyn qanaǵattandyrýǵa ǵana baǵyttalsa, bul jańa zań sharýalardyń tolaǵaı tabys tabýyna múmkindik jasaıdy. ıAǵnı, kooperatıvterdiń endigi maqsaty - tabys taýyp, sol tabysty kooperatıv músheleri arasynda bólip bere alady. Bolmasa, tabysty tutastaı kooperatıvtiń damýyna jumsaı alady», - dep túsindirdi ol. Esterińizge sala keteıik, 2015 jyldyń qazanynda Parlament «Aýyl sharýashylyǵy kooperatıvteri týraly» zańdy qabyldaǵan edi.