Aýyl sharýashylyǵy basqarmasynyń mamany 8 mln teńgeniń talonyn jymqyrǵan

QOSTANAI. QazAqparat - Qostanaı qalalyq №2 sotyna oblystyq ákimdiktiń aýyl sharýashylyǵy basqarmasynyń qarjy, josparlaý jáne memlekettik satyp alýlar bóliminiń basshysyna qatysty qylmystyq is tústi, dep habarlaıdy QazAqparat Qostanaı oblystyq sotynyń saıtyna silteme jasap.

Qarjy bóliminiń meńgerýshisine senip tapsyrylǵan bótenniń múlkin asa iri kólemde talan-tarajǵa salyp, ıemdenip ketken jáne qyzmet babynda jalǵan qujat jasaǵan degen aıyp taǵylyp otyr.

Іs materıaldarynan belgili bolǵandaı, qarajattardy saqtaý, esep júrgizý, negizgi qarajatty, materıaldardy esepten shyǵarý jáne taýarlyq-materıaldyq qundylyqtardy túgendeý syndy memlekettik fýnktsııalardy oryndaýǵa ýákiletti azamttarǵa teńestirilgen M. óziniń qyzmettik laýazymyn paıdalanyp, memlekettik qyzmet pen memlekettik basqarýdyń jekemenshik múddelerine qarsy jemqorlyq áreketke barǵan.

«Osylaısha, M. 2012 jyldyń tamyzy men 2018 jyldyń 1 qańtary aralyǵynda 56 186 lıtr kóleminde jalpy quny 8 1680833 teńgeni quraıtyn AI 92 markaly janarmaıynyń talondaryn urlaǵan» , - delingen oblystyq sottyń baspasóz qyzmetinde.

Іs boıynsha basty sot talqylaýy 20 maýsym kúni saǵat 15.00-ge bekitildi.