Aýyl sharýashyǵy kooperatıvterinde 8 myńǵa jýyq adam eńbek etedi
2021 jylǵy ekinshi toqsannyń qorytyndysy boıynsha, Qazaqstanda 3030 aýyl sharýashylyǵy kooperatıvi jumys isteıdi. ıAǵnı, bir jyldyń ishinde 124 kooperatıv jańadan quryldy degen sóz. Atalǵan 3030 kooperatıvtiń tórtten biri (724) Túrkistan oblysynda qurylǵan. Odan keıin Jambyl (285) jáne Shyǵys Qazaqstan (281) oblystary tur.
«Aýyl sharýashylyǵy kooperatıvteriniń sany boıynsha Nur-Sultan (6) jáne Almaty (8) megapolısteri kósh sońynda. Qurǵaqshylyqtan zardap shegip jatqan Mańǵystaý oblysynda 21 kooperatıv bar. Maýsym aıynyń sońyndaǵy málimet boıynsha, osy kooperatıvterde 7,9 myńnan astam adam jumys isteıdi. Bir jylda 3% ósken. Onyń ishinde 7,8 myń adam kooperatıvtiń turaqty qyzmetkeri bolsa, 81 adam basqa uıymdardan qosymsha jumysqa tartylǵan. Jumysshylardyń 516-sy azamattyq-quqyqtyq sıpattaǵy sharttar boıynsha jumys istep júr. Biraq olardyń sany ótken jylmen salystyrǵanda 3,4 ese azaıdy», - dep jazady Energyprom.kz.
Saıttyń málimetine súıensek, aýyl sharýashylyǵy kooperatıvteriniń quramynda 603 zańdy tulǵa bar: 498 sharýashylyq seriktestik, 1 aktsıonerlik qoǵam, 104 basqa uıymdyq-quqyqtyq nysan.
«Budan basqa, aýyl sharýashylyǵy kooperatıvteriniń quramyna 22,8 myń jeke kásipker men sharýa qojalyq, 27,4 myń qosalqysharýashylyq kiredi», - delingen analıtıkalyq materıalda.
