«Aýyl» partııasynyń jańa tóraǵasy saılandy
Jańa tóraǵa retinde partııa tóraǵasy Álı Bektaev qaıta saılandy. Sonymen birge, partııanyń saıası keńesiniń jańa quramy bekitilip, jarǵysyna ózgertýler men tolyqtyrýlar engiziledi.
Sezd delegattary «Aýyl» HDPP Saıası keńesiniń 2015-2019 jyldary atqarǵan jumystarynyń esebi boıynsha baıandamany tyńdady. Onda partııanyń baǵdarlamalyq maqsattaryn oryndaýdaǵy qyzmeti, atqarǵan jumystary týraly egjeı-tegjeıli aqparat usynyldy, partııanyń óńirlik fılıaldarynyń jergilikti jerlerdegi agroónerkásiptik keshen, áleýmettik sala, ǵylym jáne óndiris máseleleri boıynsha jumystary talqylandy.
Aıta keteıik, «Aýyl» halyqtyq-demokratııalyq patrıottyq partııasy osydan tórt jyl buryn Qazaqstan sotsıal-demokratııalyq partııasy men Qazaqstan patrıottar partııasynyń birigýi nátıjesinde quryldy. Qazirgi tańda elimizdiń 14 oblysy jáne respýblıkalyq mańyzy bar Nur-Sultan, Almaty, Shymkent qalalarynda saıası uıymnyń 17 fılıaly jumys isteıdi. Budan bólek 188 qalalyq jáne aýdandyq partııa uıymynda 500 bastaýysh partııa uıymy bar. Partııanyń mindeti - fermerler men aýyl eńbekkerleriniń, barsha qazaqstandyqtardyń múddelerin bildirý.
Sońǵy aqparat boıynsha partııanyń 298 myńnan astam múshesi bar.
