«Aýyl» partııasynyń ókilderi túrkistandyq fermerlermen kezdesti

TÚRKІSTAN. QazAqparat - 23 jeltoqsan kúni «Qýan» sharýa qojalyǵynyń bazasynda «Aýyldan aýylǵa» aktsııa aıasynda «Aýyl» partııasynyń respýblıkalyq saılaýaldy shtabynyń ókilderi - QR Parlamenti Májilisiniń depýtattyǵyna úmitkerler Qarlyǵash Aralbekova men Bolatbek Qystaýov Túrkistan oblysynyń fermerlerimen kezdesip, azyq-túlik qaýipsizdigi máselelerin talqylady, dep habarlaıdy QazAqparat.

Qarlyǵash Aralbekova fermerlerge partııanyń eldegi azyq-túlik qaýipsizdigin qamtamasyz etý jónindegi usynystary týraly aıtty.

Bolatbek Qystaýov qosyp ótkendeı, salany memlekettik qoldaýdyń qazirgi júıesi men ony iske asyrý tetikteri óte kúrdeli, ony aýylsharýashylyq taýar óndirýshiler qıyn qabyldaıdy, kóbinese shatasyp jatady. Saıyp kelgende, osynyń bári bıýdjet qarajatyn urlaý jáne sybaılas jemqorlyq quqyq buzýshylyqqa barýǵa qolaıly negiz bolady.

Fermerler partııa usynystaryn qoldady. Sondaı-aq kezdesýge qatysýshylar «aýyldyqtarǵa» saılaýda jeńiske jetýine tilektestik bildirdi.